Lajmet
Të rejat e fundit
Kategoria
Ky qytet kërkon punëtorë, por askush nuk shkon!
01 Feb 2020 - 22:16
Ky qytet kërkon punëtorë, por askush nuk shkon!

Një qytet i vogël i quajtur Kaitangata në South Island të Zelandës së Re ka një problem relativisht unik në botën e sotme: ofron shumë vende strehimi dhe mundësi punësimi, por ka shumë pak njerëz për to.


Tashma rezidentët kanë marrë “detyrën” e rekrutimit të personave qoftë edhe të huaj, në mënyrë që t’i  bindë ata që jetojnë në qytetet ma të shtrenjta të vendit të zhvendosen pikërisht në qytetin e tyre.


Rreth 800 banorë jetojnë në Kaitangata, që asht pjesë e qarkut Clutha. Lehtësirat në këtë vend përfshijnë një shkollë fillore, një bar dhe një sallon picerie. Javën e kaluar, një dyqan shërbimesh “On the spot” u mbyll për shkak se pronarët e tij u tërhoqën.


Kaitangata u bëri thirrje bizneseve lokale të ofrojnë tërë gjërat e mundshme, përfshirë këtu kosto më të ulëta për blerjen e shtëpive si dhe mundësi të reja punësimi, në mënyrë që të tërheqë më shumë njerëz në të.


Papunësia në qytete si Aucklandi është në përqindje shumë ma të lartë, kjo edhe për shkak të strehimit të kushtueshëm, ndërsa i tërë rajoni Clutha përllogarit rreth 1.000 vende të lira pune.